لیپ ٹاپ بیٹری اب 28 گھنٹے چلے گی

1,653

لیپ ٹاپ کی بیٹری لائف کو بڑھانے کے لیے عام طور پر کارکردگی پر سودے بازی کرنا پڑتی ہے لیکن انٹیل نے ایک نئے طرز کے ڈسپلے کے ذریعے بیٹری لائف میں زبردست اضافہ کیا ہے۔ نتیجہ نکلا ہے کہ ایک مرتبہ چارج ہونے کے بعد لیپ ٹاپ 28 گھنٹے چل سکتا ہے۔

انٹیل نے تائیوان میں قائم کمپیوٹیکس کی لو پاور ڈسپلے ٹیکنالوجی (LPDT) کی رونمائی کی جس نے شارپ اور انولکس کو ون واٹ پینل کی تخلیق میں مدد دی۔ انٹیل نے یہ تو نہیں بتایا کہ LPDT کس طرح کام کرتا ہے؟ لیکن یہ دعویٰ ضرور کیا ہے کہ یہ ایل سی ڈی پینل کی جانب سے توانائی کھپت کو نصف کر دیتا ہے۔ یعنی لیپ ٹاپ آٹھ گھنٹے تک وڈیو بھی چلا سکتا ہے۔

intel-low-power-display-technology

28 گھنٹے کی بیٹری لائف کا دعویٰ انٹیل کی اپنی جانچ کے دوران سامنے آیا۔ ان تجربات میں جن لیپ ٹاپس کو استعمال کیا گیا وہ LPDT ڈسپلے کے حامل تھے اور 15 واٹ کور آئی سیون 8550 یو پروسیسر، 8 جی بی ریم، انٹیل 600 پی ایس ایس ڈی، یو ایچ ڈی کرافگس 620 اور ونڈوز 10 سے لیس تھے۔ اس جانچ میں 150 نٹس برائٹنیس کے ساتھ مسلسل وڈیو چلتی رہی اور آڈیو ایک ہیڈفون کے ذریعے سنی گئی تاکہ بیٹری لائف کی پیمائش کی جا سکے۔

نئے ون واٹ پینل کا ہونا ضروری ہے جو اس وقت شارپ اور انولکس تیار کر رہے ہیں، جس کا ابھی تک کوئی تصدیق شدہ آرڈر موجود نہیں ہے۔ اگر واقعی اضافی بیٹری لائف اتنی اچھی ہے جیساکہ انٹیل دعویٰ کر رہا ہے، تو امید ہے کہ زیادہ وقت نہیں لکے گا کہ ان ڈسپلیز کے آرڈرز ہی آرڈرز ہوں گے۔