ایک اندازے کے مطابق دنیا کی 7 فیصد آبادی رنگوں کے اندھے پن کا شکار ہے۔ اس بیماری کے شکار افراد رنگوں میں تمیز نہیں کر پاتے۔ کئی رنگ انھیں صرف سیاہی مائل ہی دِکھائی دیتے ہیں۔ یعنی یہ افراد رنگوں کو بالکل مختلف انداز میں دیکھتے ہیں۔
اس تصویر سے آپ اندازا لگا سکتے ہیں کہ رنگوں کے اندھے پن کا شکار افراد جنھیں ہم کلر بلائنڈ کہتے ہیں کو رنگ دار چیزیں کیسی دکھائی دیتی ہیں:
کلر بلائنڈ ہونے کی تصدیق کرنے کے لیے کئی آن لائن ٹیسٹ بھی موجود ہیں جن کے ذریعے چند منٹوں میں جانا جا سکتا ہے کہ آپ کی نظر درست ہے یا رنگوں کے اندھے پن کا شکار ہے۔ اگر آپ یہ ٹیسٹ کرنا چاہیں تو درج ذیل ربط کھول لیں:
اس ٹیسٹ میں مختلف رنگوں کے نقطوں میں چھپے نمبر دکھائے جاتے ہیں آپ کو جو نمبر آئے بس ماؤس سے اس نمبر کو منتخب کرتے جائیں
ایسے افراد کے لیے گوگل نے بہت ہی مفید ایکسٹینشن ’’کلر انہینسر‘‘ Color Enhancer فراہم کررکھا ہے۔ کروم براؤزر میں اس کی انسٹالیشن کے بعد رنگوں کو اپنے حساب سے منتخب کیا جا سکتا ہے۔ اس کے لے اس کی سیٹنگز میں آئیں یہاں موجود آپشنز کو دیکھیں۔ رنگوں کی تین لائنیں موجود ہیں، تینوں کو باری باری آزمائیں۔ ان رنگوں کو مدھم یا شوخ کرنے کے لیے اوپر کلر ایڈجسٹمنٹ کا آپشن موجود ہے۔
اس کے بعد نیچے موجود سلائیڈر کو دائیں بائیں کر کے اسے اس جگہ پر سیٹ کریں جہاں رنگ بالکل درست نظر آرہے ہوں۔
(یہ تحریر کمپیوٹنگ شمارہ جولائی 2015 میں شائع ہوئی)