ٹولونا (Toluna)

us.toluna.com
آن لائن کمائی کا ایک آسان طریقہ سروے میں حصہ لینا ہوتا ہے۔ اکثر کمپنیز اپنے کام کے حوالے سے لوگوں کی رائے جاننا چاہتی ہیں جس کے لیے وہ سروے منعقد کراتی ہیں۔ آج کل سروے کے ذریعے اچھا نتیجہ حاصل کرنے کا بہترین طریقہ یہ ہوتا ہے کہ اسے آن لائن کر دیا جائے اور حصہ لینے والوں کو پوائنٹس دیے جائیں۔ ٹولونا ایپ میںبھی ایسے سروے اور پولز جمع کیے جاتے ہیں جن میں جو چاہے حصہ لے سکتا ہے۔ جس کے بدلے میں کیش، تحائف اور زبردست مصنوعات کے واؤچرز دیے جاتے ہیں۔
یہاں کوئی فضول سروے نہیں ہوتے بلکہ بہت دلچسپ تبصرے ملتے ہیں۔ جیسے کہ اگر کوئی جاننا چاہے کہ اتنے پیسوں میں کون سا اچھا فون مل سکتا ہے، فلاں موسم کی چھٹیاں گزارنے کے لیے اچھا مقام کون سا ہے، آج کل کس قسم کے جوتوں یا کپڑوں کا فیشن چل رہا ہے وغیرہ۔ یعنی آپ نہ صرف دوسروں کو مشورہ دیتے ہیں بلکہ خود بھی اس حوالے سے نت نئی معلومات حاصل کرتے ہیں جو عملی زندگی میں کام آتی ہے۔
یہ ایپلی کیشن آئی فون اور اینڈروئیڈ دونوں صارفین کے لیے دستیاب ہے۔