AKU وڈیو کنورٹر… ایک طاقت ور وڈیو اِنکوڈنگ ایپلی کیشن

آڈیو اور وڈیوز کو ایک فارمیٹ سے دوسرے فارمیٹ یا ڈیوائسز کے لیے کنورٹ کرنے کے لیے ’’اے کے یو وڈیو کنورٹر‘‘ ایک لاجواب ٹول ہے۔ اس کی مدد سے مشہور وڈیو فارمیٹس کو کو آڈیو میں کنورٹ کیا جا سکتا ہے، انکرپٹڈ ڈی وی ڈی موویز کو کنورٹ کیا جا سکتا ہے، وڈیوز میں سے آڈیوز کو نکال کر ایم پی تھری و دیگر فارمیٹس میں محفوظ کیا جا سکتا ہے۔

اپنے کام کے حوالے سے اس پروگرام میں لاتعداد فیچرز موجود ہیں۔ وڈیوز کو ڈیوائسز کے لیے بھی کنورٹ کیا جا سکتا ہے جیسے آپ کوئی وڈیو آئی فون یا اینڈروئیڈ کے لیے کنورٹ کرنا چاہیں۔

وڈیوز کے حوالے سے اس میں قریباً تمام مشہور فارمیٹس کی سپورٹ موجود ہے۔ ڈی وی ڈی موویز کو اس کی مدد سے باآسانی mpg، avi، mp4، flv، 3gp اور mpeg4 وغیرہ فارمیٹس میں کنورٹ کیا جا سکتا ہے۔

وڈیو ایڈیٹنگ کے حوالے سے اگر بات کریں تو اس کی مدد سے وڈیوز Crop کی جا سکتی ہیں، ان میں سب ٹائٹلز ڈالے جا سکتے ہیں اور واٹر مارک بھی شامل کیا جا سکتا ہے۔ اس کے علاوہ مختلف وڈیوز کو ملا کر ایک وڈیو بھی بنائی جا سکتی ہے۔ اس میں شامل کیے گئے سب ٹائٹلز کا رنگ بدلا جا سکتا ہے، اپنی پسند کا فونٹ منتخب کیا جا سکتا ہے اور انھیں syncکیا جا سکتا ہے اور ایفیکٹس بھی دیے جا سکتے ہیں۔

ایس ڈی وڈیوز کو ایچ ڈی میں بدلنے کے لیے اس پروگرام کو استعمال کیا جا سکتا ہے جبکہ اس کا کنورژن سسٹم بھی بہت برق رفتار ہے۔

بیچ کنورژن فیچر کے ذریعے ایک زائد وڈیوز کو کنورٹ کرنے کے لیے اس میں ایڈ کیا جا سکتا ہے جو باری باری کنورٹ کر دی جاتی ہیں۔

ایک اور خاص فیچر Video Enhance کی صورت میں موجود ہے۔ جس کے ذریعے وڈیو کی برائٹ نیس، کنٹراسٹ، آڈیو، بلینس، مکسر وغیرہ کو سیٹ کر کے وڈیو کا رزلٹ بہتر بنایا جا سکتا ہے۔

اس پروگرام کو استعمال کرنے کا مکمل طریقہ کار باتصویر ٹیوٹوریل کی صورت میں اس کی ویب سائٹ پر موجود ہے۔ مفت دستیاب اس پروگرام کو ونڈوز ایکس پی، وستا، سیون اور ایٹ کے ساتھ استعمال کیا جا سکتا ہے جبکہ اس کا سائز 26.4 MB ہے۔

اس پروگرام کو ڈاؤن لوڈ کرنے سے پہلے اس کی سسٹم ضروریات کو ضرور دیکھ لیں کیونکہ اسے 1GHz Intel/AMD processor یا اس سے اضافی طاقت کے حامل پراسیسر والے پی سی پر استعمال کیا جا سکتا ہے۔

دستیابی: مفت

فائل سائز: 26MB

مطابقت: ونڈوز ایکس پی، ونڈوز وستا، ونڈوز سیون، ونڈوز ایٹ

ڈاؤن لوڈ کریں
(یہ تحریر کمپیوٹنگ شمارہ مارچ 2014 میں شائع ہوئی)