کمپیوٹر لاک اسکرین کو خوبصورت بنائیے

آئیے آپ کو بتاتے ہیں بہترین پروگرام لاک اسکرین پرو کے بارے میں جو آپ کے پی سی پر عام لاک سے ہٹ کر خوبصورت لاک اسکرین فراہم کرتا ہے۔

جب آپ اپنے سسٹم کو لاک کر کہیں جاتے ہیں تو کوئی نہ کوئی ضرور سسٹم کو لاگ اِن کرنے کی کوشش کرتا ہے۔ ’’لاک اسکرین پرو‘‘ کی مدد سے آپ اپنے کمپیوٹر کی سیکیورٹی بڑھا سکتے ہیں۔ یہ ونڈوز کے پاس ورڈ لاک سے بڑھ کر فیچرز فراہم کرتا ہے۔

یہ سافٹ ویئر استعمال کرتے ہوئے آپ پاس ورڈ اور یو ایس بی فلیش ڈرائیو کی مدد سے سسٹم کو اَن لاک کر سکتے ہیں۔ اس کے علاوہ اس کا خاص فیچر یہ ہے کہ جب بھی کوئی آپ کے سسٹم کو لاگ اِن کرنے کے لیے غلط پاس ورڈ ڈالے گا یہ ویب کیم کی ذریعے اس کی تصویر بنا لے گا۔ اس طرح آپ باآسانی جان سکتے ہیں کہ کس نے آپ کے سسٹم کو لاگ اِن کرنے کی کوشش کی ہے۔

اس کے علاوہ اس کی مدد سے آپ لاک اسکرین کو مکمل تبدیل کر سکتے ہیں۔ بیک گراؤنڈ میں تصویر لگا سکتے ہیں، گھڑی اور بیٹری کا اسٹیٹس بھی شو کر سکتے ہیں۔ اگر آپ سسٹم پر کام نہ کر رہے ہوں تو یہ سافٹ ویئر لیپ ٹاپ کی روشنی کو کم کر کے بیٹری کو بچاتا ہے اس کے علاوہ سسٹم لاک ہونے کی صورت میں تمام کھلی ونڈوز کو منی مائز بھی کر دیتا ہے۔

دستیابی: مفت
فائل سائز: 3.4MB

ڈاؤن لوڈ کریں

(یہ تحریر کمپیوٹنگ شمارہ مارچ 2013 میں شائع ہوئی)