اگر آپ فوٹو گرافی سے دلچسپی رکھتے ہیں تو یقیناً کیمرے بھی پسند کرتے ہوں گے۔ اگر ایک اچھا کیمرہ خریدنا چاہتے ہیں تو پہلے یہ ویب سائٹ ضرور چیک کر لیں۔ یہاں آپ نئے آنے والے کیمروں کی مکمل تفصیلات جان سکتے ہیں۔ یہاں ہر کیمرے کو استعمال کرنے کا طریقہ، تصویر کی کوالٹی، سیمپل پکچرز، پروڈکٹ کی تصاویر، کیمرے سے بنائی گئی وڈیوز وغیرہ دی گئی ہیں۔ اس کے علاوہ کیمرے کے بارے میں ماہرین کی رائے اور صارفین کے تبصرے بھی موجود ہیں۔ اس کیمرے کا بہترین حریف کون ہے یہ بھی آپ جان سکتے ہیں۔ عام ڈیجیٹل کیمرے کی بات ہو یا پروفیشنل ڈی ایس ایل آر کیمرے کی، کیمرے کے حوالے سے ساز و سامان کا ذکر ہو یا ان کے سافٹ ویئر کا، یہاں ہر کیمرے کے بارے میں ایسی ماہرانہ معلومات موجود ہے کہ آپ باآسانی فیصلہ کر سکتے ہیں کہ آپ کو کون سا کیمرہ خریدنا چاہیے۔