براؤزر میں انسٹال غیر ضروری ٹول بارز سے نجات حاصل کریں

ہم نے اکثر نوٹ کیا ہے جو لوگ کمپیوٹر کی زیادہ سمجھ بوجھ نہیں رکھتے ان کے براؤزر میں ٹول بارز ضرور موجود ہوتی ہیں۔ بلکہ اب تو کئی سافٹ ویئر انسٹال کرتے ہوئے مجبوراً ٹول بار بھی انسٹال کرنا پڑتی ہے۔ اس کا نتیجہ یہ نکلتا ہے کہ براؤزر کھولنے میں بہت وقت لیتا ہے اور ہمیں لگتا ہے کہ ہمارے سسٹم کی کارکردگی کم ہوتی جا رہی ہے۔
اس کے علاوہ براؤزر میں کئی غیر ضروری ایکسٹینشن بھی انسٹال ہو جاتے ہیں۔ ان سب چیزوں سے نجات حاصل کرنے کے لیے ’’ٹول بار کلینر‘‘ موجود ہے۔ اس سافٹ ویئر کے ذریعے آپ جان سکتے ہیں کہ آپ کے براؤزر میں کون کون سی ٹول بارز اور پلگ انز موجود ہیں۔ ان غیر ضروری ٹول بارز اور پلگ انز کو اس سافٹ ویئر کی مدد سے آپ صرف ایک کلک سے فوراً ختم بھی کر سکتے ہیں۔

یقیناً آپ نے ایک انتہائی ڈھیٹ ٹول بار ’’آسک ٹول بار‘‘ کے بارے میں سنا ہو گا۔ اس ٹول کو اَن انسٹال کرنا مشکل ہوتا ہے۔ اسی بات کو مدنظر رکھتے ہوئے اس ٹول بار میں خاص طور پر آسک ٹول بار سے نمٹنے کا فیچر شامل کیا گیا ہے۔

ٹول بار کلینر نامی یہ سافٹ ویئر ٹول بارز سمیت 1,000,000 غیر ضروری سافٹ ویئرز کو باآسانی صاف کرنے کی صلاحیت رکھتا ہے۔

لائسنس:     فری ویئر
آپریٹنگ سسٹم:  ونڈوز ایکس، وستا، ونڈوز 7
فائل سائز: 1.2MB

ڈاؤن لوڈ کریں

ڈیویلپرز کی ویب سائٹ وزٹ کریں

(یہ تحریر کمپیوٹنگ شمارہ دسمبر 2012 میں شائع ہوئی)