واٹس ایپ مجرموں کو پرائیویسی فراہم کرتا ہے، برطانیہ کا الزام

Click For Best Technology Stuff from Around the World

برطانیہ کی وزیرِ داخلہ امبر روڈ نے واٹس ایپ پر مجرموں کو تحفظ اور پرائیویسی فراہم کرنے کا الزام عائد کرتے ہوئے کہا ہے کہ پیغامات کی انکرپشن کی وجہ سے بچوں کا جنسی استحصال اور جرائم کے منظم گروہ قانون کی گرفت سے بچ جاتے ہیں لہذا واٹس ایپ کو حکومتوں کی مدد کرنے کے لیے فوری طور پر آگے آنا ہوگا۔

برطانیہ میں اس سال ہونے والے چار دہشت گرد حملوں کے بعد حکومتی وزراء کا یہ مطالبہ زور پکڑتا جا رہا ہے کہ آئی ٹی کمپنیوں کو حکومت کو انکرپٹڈ میسجنگ تک رسائی دینی چاہیے تاہم آئی ٹی کمپنیوں کا کہنا ہے کہ وہ حکومتوں کی مدد کرنا چاہتے ہیں لیکن حکومتوں کو قانون نافذ کرنے والے اداروں کے مطالبات اور جمہوری معاشروں میں رائج معاشرتی آزادیوں میں توازن قائم کرنا ہوگا۔

مینچسٹر میں ایک تقریب سے خطاب کرتے ہوئے برطانوی وزیرِ داخلہ نے بڑی آئی ٹی کمپنیوں جیسے فیس بک، گوگل، مائکروسافٹ اور ٹویٹر پر زور دیا کہ وہ دہشت گردی اور مجرمانہ سرگرمیوں کی روک تھام کے لیے مزید کوششیں کریں۔

Click For Best Technology Stuff from Around the World

امبر روڈفیس بکواٹس ایپ