اشتہارات کی جانچ پڑتال سخت، فیس بک نے ایک ہزار ملازمین بھرتی کرنے کا اعلان کر دیا

مقصد روس ودیگر ممالک کو دوسرے ممالک کے انتخابی معاملات میں مداخلت سے روکنا ہے

953

فیس بک نے اعلان کیا ہے کہ وہ اشتہارات کی جانچ پڑتال کے لیے ایک ہزار ملازمین کو تعینات کرے گا تاکہ فیس بک پر شائع ہونے والے اشتہارات پر نظر رکھی جا سکے اور اس بات کو یقینی بنایا جاسکے کہ تمام اشتہارات اسکے قواعد وضوابط کے عین مطابق ہوں۔

فیس بک کی ان کوششوں کا مقصد روس ودیگر ممالک کو اس کے سوشل پلیٹ فارم کو استعمال کرتے ہوئے دیگر ممالک کے انتخابی معاملات میں مداخلت سے روکنا ہے۔

فیس بک نے گزشتہ ماہ کہا تھا کہ اس کے خیال میں گزشتہ امریکی انتخابات سے قبل روس سے تعلق رکھنے والے کچھ عناصر نے تقسیم کو ہوا دینے کے لیے اس کے نیٹ ورک پر تین ہزار اشتہارات خرید کر شائع کیے۔

رویٹر کے مطابق اگلے سال فیس بک اس تعداد میں مزید ایک ہزار ملازمین کا اضافہ کرے گا اور ناموزوں اشتہارات کی خودکار شناخت اور خاتمے کی ٹیکنالوجیز میں مزید سرمایہ کاری کرے گا۔