اب گیمز گفٹ ہوسکیں گی، مائکروسافٹ نے فیچر جاری کردیا

818

کچھ ماہ قبل مائکروسافٹ نے ایک فیچر کی ٹیسٹنگ شروع کی تھی جس کے تحت صارفین کوئی گیم خرید کر کسی دوست کو گفٹ کر سکیں جو اسے مفت میں کھیل سکے، اب مائکروسافٹ نے اس فیچر کو چھٹیوں کے سیزن کے آغاز کے ساتھ ریلیز کرنا شروع کردیا ہے۔

xbox-gifting-destiny-2-hero-1024x683

اب صارفین مائکروسافٹ کے سٹور سے کوئی گیم خرید کر اسے دوسرے صارف کو تحفتاً دے سکیں گے، فی الوقت یہ فیچر پرانی گیمز کو سپورٹ کرتا ہے تاہم نئی گیمز بھی جلد اس فیچر کے تحت دستیاب ہوں گی۔

ایکس باکس کے صارفین سالوں سے اس فیچر کا مطالبہ کر رہے تھے، اس سے قبل مائکروسافٹ نے کچھ فیچرز کے لیے ووٹنگ کرائی تھی اور اس فیچر کو ہزاروں ووٹ ملے تھے۔

اگرچہ مائکروسافٹ اس فیچر کے ساتھ سونی پر سبقت لے گیا ہے تاہم یاد رہے کہ والو Valve کے سٹیم Steam پلیٹ فارم پر یہ فیچر عرصہ سے موجود ہے۔