ورڈ ڈاکیومنٹ میں آن لائن یا آف لائن وڈیو شامل کریں

1,199

ورڈ ڈاکیومنٹ میں اپنے کمپیوٹر میں موجود کوئی آف لائن یا انٹرنیٹ پر موجود کوئی آن لائن وڈیو بھی شامل کی جا سکتی ہے۔ اس طرح ان وڈیوز کو براہِ راست ڈاکیومنٹ کے اندر دیکھا جا سکتا ہے۔

ورڈ ڈاکیومنٹ میں آف لائن وڈیو کیسے شامل کریں؟

آئیے آپ کو اس کا طریقہ کار مرحلہ وار بتاتے ہیں۔

سب سے پہلے تو یہ بات یاد رکھیں کہ جب آپ ورڈ ڈاکیومنٹ میں کوئی آف لائن وڈیو یعنی وہ وڈیو جو آپ کے پی سی میں موجود ہو شامل کرتے ہیں تو اس ڈاکیومنٹ کو جب آپ کسی کو بھیجیں گے تو وڈیو ڈاکیومنٹ میں ساتھ نہیں جائے گی۔ یہ وہ وڈیو ڈاکیومنٹ میں چلے گی نہیں۔ اس لیے اگر ڈاکیومنٹ کسی کو بھیجنا ہے تو بہتر ہے کوئی آن لائن وڈیو شامل کریں تاکہ بذریعہ انٹرنیٹ اسے ہر جگہ دیکھا جا سکے۔

اس کے لیے سب سے فائل مینو کو کھولیں:

2-online-offline-video-word-doc-file

یہاں سب سے آخر میں موجود آپشنز پر کلک کریں:

3-online-offline-video-word-doc-options

اگلے مرحلے پر کسٹمائز ربن کا انتخاب کریں:

4-online-offline-video-word-doc-customize-ribbon

اس کے بعد ’’ڈیویلپر‘‘ کے ساتھ موجود باکس کو چیک لگا کر اوکے کر دیں۔

5-online-offline-video-word-doc-developer

یہ کام انجام دینے کے بعد آپ فائل میں اوپر دیکھیں گے تو ڈیویلپر کا ٹیب بھی اب موجود ہو گا۔

6-online-offline-video-word-doc-developer-tab

اب آپ اس آپشن کو استعمال کرتے ہوئے وڈیو کو اپنے ڈاکیومنٹ میں شامل کر سکتے ہیں۔ اس کے لیے ڈیویلپر کے ذیل میں موجود لیگسی ٹولز Legacy Tools کا انتخاب کریں۔

7-online-offline-video-word-doc-legacy-tools

لیگسی ٹولز کے کنٹرولز کھل جائیں تو یہاں اسکرول کرتے ہوئے نیچے آئیں اور ونڈوز میڈیا پلیئر کا انتخاب کرتے ہوئے اوکے پر کلک کر دیں۔

8-online-offline-video-word-doc-Windows-Media-Player

اس کے بعد آپ دیکھیں گے کہ میڈیا پلیئر آپ کے ورڈ ڈاکیومنٹ میں ظاہر ہو چکا ہے۔ یہاں یہ بات انتہائی ضروری ہے کہ اس کا سائز سیٹ کر لیں۔ یعنی آپ ڈاکیومنٹ میں اس کی جو بھی چوڑائی لمبائی رکھنا چاہتے ہیں اسے یہیں طے کر لیں کیونکہ اس کے بعد یہ تبدیل نہیں کیا جا سکے گا۔

9-online-offline-video-word-doc-WMPlayer

اب ڈاکیومنٹ میں میڈیا پلیئر تو آ چکا ہے لیکن اس میں میڈیا موجود نہیں تو آئیے اب اس میں اپنی ضرورت کا میڈیا یعنی کوئی وڈیو شامل کرتے ہیں۔

اس کے لیے میڈیا پلیئر پر رائٹ کلک کرتے ہوئے اس کی پراپرٹیز میں آجائیں۔ آپ دیکھیں گے کہ سائیڈ میں ایک مینو کھل جائے گا یہاں موجود کسٹم کے سامنے خالی حصے پر کلک کریں۔

10-online-offline-video-word-doc-Windows-Media-Player-Properties-Categories

ایک ڈائیلاگ باکس کھل جائے گا۔ اس میں موجود براؤز کے بٹن پر کلک کرتے ہوئے جو وڈیو آپ ڈاکیومنٹ میں شامل کرنا چاہتے ہیں اسے منتخب کرنے کے بعد اوکے کے بٹن پر کلک کر دیں۔

11-online-offline-video-word-doc-browse

اب آپ کی وڈیو چلنے کے لیے تیار ہے بس ڈیویلپر موڈ میں موجود ڈیزائن موڈ پر کلک کر کے اس کام کو پورا کیا جا سکتا ہے۔

12-online-offline-video-word-doc-Design-Mode

لیجیے ورڈ ڈاکیومنٹ میں آپ کی آف لائن وڈیو شامل ہو چکی ہے اور آپ اسے پلے کر سکتے ہیں۔

13-online-offline-video-word-doc-Video-Playing-In-Word-Document

اس وڈیو کو ڈاکیومنٹ میں سے ختم کرنے کے لیے دوبارہ ڈیویلپر کے ٹیب سے ڈیزائنر موڈ میں جائیں اور وڈیو پر کلک کرتے ہوئے بیک اسپیس دبا دیں، وڈیو ڈاکیومنٹ سے حذف ہو جائے گی۔

ورڈ ڈاکیومنٹ میں آن لائن وڈیو شامل کریں

آئیے اب آپ کو بتاتے ہیں کہ کس طرح ورڈ ڈاکیومنٹ میں آن لائن وڈیو شامل کی جا سکتی ہے۔

ورڈ ڈاکیومنٹ میں آپ یوٹیوب اور اس کے علاوہ دیگر اسٹریمنگ سروسز سے بھی وڈیوز شامل کر سکتے ہیں۔

اس کے لیے ڈاکیومنٹ پر موجود انسرٹ کے ٹیب میں آجائیں:

14-online-offline-video-word-doc-Insert

اس کے بعد ’’آن لائن وڈیو میڈیا‘‘ پر کلک کریں۔

15-online-offline-video-word-doc-Online-Video

انسرٹ وڈیو کا مرحلہ آپ کے سامنے موجود ہو گا۔ اگر آپ نے خود کوئی وڈیو بنائی ہے تو پہلے اسے اپنے چینل پر اپ لوڈ ضرور کر لیں۔ اور اگر وڈیو پہلے ہی یوٹیوب پر موجود ہے تو یہاں ’’سرچ یوٹیوب‘‘ کی فیلڈ میں وڈیو کا ٹائٹل یا کی ورڈ لکھ کر تلاش کریں۔

16-online-offline-video-word-doc-YouTube

اگلے حصے پر نتائج سامنے موجود ہوں گے، جو وڈیو آپ ڈاکیومنٹ میں شامل کرنا چاہتے ہیں اسے منتخب کر کے نیچے موجود ’’انسرٹ‘‘ کے بٹن پر کلک کر دیں۔

17-online-offline-video-word-doc

لیجیے اب آن لائن وڈیو آپ کے ورڈ ڈاکیومنٹ میں موجود ہے اور یہ ڈاکیومنٹ آپ کسی کو بھیج بھی سکتے ہیں لیکن اس وڈیو کو کہیں بھی دیکھنے کے لیے ظاہر ہے کہ انٹرنیٹ کا چل رہا ہونا ضروری ہے۔