ساہیوال سے فیس بک اور وٹس ایپ کے ذریعے بلیک میل کرنے والا ملزم ایف آئی اے نے گرفتار کرلیا

ایف آئی اے کے سائبر کرائم ونگ نے ساہیوال سے عثمان نامی ایک شخص کو حراست میں لیا ہے جس پر الزام ہے کہ وہ فیس بک اور وٹس ایپ کے ذریعے ایک خاتون کو بلیک میل کرتا رہا ہے۔ مذکورہ شخص کے خلاف پروینشن آف الیکٹرانک کرائم ایکٹ کے تحت ایف آئی آر بھی درج کرلی گئ ہے اور اسے مزید تحقیقات کے لئے اسلام آباد منتقل کردیا گیا ہے۔

ایف آئی اے نے ملزم کو عدالت میں پیش کیا اور معزز جج نے ملزم کو پانچ روزہ ریمانڈ پر ایف آئی اے کے حوالے کردیا ہے۔
متاثرہ خاتون نے ایف آئی اے کے سائبر کرائم ونگ میں ایک درخواست جمع کروائی تھی جس میں مذکورہ شخص پر الزام لگایا گیا تھا کہ اس نے فیس بک پر دوستی کرنے کے بعد خاتون کو پیسوں کے لئے بلیک میل کرنا شروع کردیا تھا۔ متاثرہ خاتون کا کہنا ہے کہ ملزم نے اس سے زیورات اور نقد رقم بھی لی ہے۔
ایف آئی اے نے ملزم کو اس وقت گرفتار کیا جب وہ خاتون سے رقم وصول کرنے آیا تھا۔

حالیہ چند ہفتوں کے دوران پروینشن آف الیکٹرانک کرائم ایکٹ  کے تحت کی گئی کاروائیوں کی تعداد میں کئی گنا اضافہ ہوا ہے۔