وکی پیڈیا مضامین کی ای بُک بنائیں

598

وکی پیڈیا بے شمار معلوماتی اور دلچسپ مضامین کا منبع ہے۔ وکی پیڈیا پر آن لائن مضامین پڑھنے کے ساتھ ساتھ انھیں ڈاؤن لوڈ کرنے کا آپشن بھی موجود ہے۔ کوئی بھی مضمون آپ بطور پی ڈی ایف یا ای بُک محفوظ کر سکتے ہیں۔ اس کے علاوہ پرنٹ کرنا چاہیں تو وہ بھی ممکن ہے۔
آف لائن پڑھنے کے لیے مضامین محفوظ کرنا ایک اچھی بات ہے۔ خاص کر ای بُک فارمیٹ میں مضامین محفوظ کر کے انھیں آف لائن باآسانی ٹیبلٹ یا فون پر بھی پڑھا جا سکتا ہے۔ کوئی بھی مضمون ای بُک کے طور پر محفوظ کرنے کے لیے وکی پیڈیا پر بائیں طرف موجود آپشن Print/export پر کلک کریں۔
تینوں دستیاب آپشنز سامنے آجائیں گے۔ Create a book پر کلک کر کے آپ ای بُک بنانے کا عمل شروع کر سکتے ہیں۔

wikipedia_ebook1
اگلے صفحے پر "Start book creator” کے بٹن پر کلک کریں۔

wikipedia_ebook2
وکی پیڈیا پر ای بُک بناتے ہوئے آپ ایک مضمون کی بجائے کئی مضامین کو ایک ہی کتاب میں شامل کر سکتے ہیں۔
Add this page to your book کے آپشن پر کلک کے آپ جس مضمون پر ہوں اسے کتاب میں شامل کر سکتے ہیں۔

wikipedia_ebook3
اسی طرح کوئی دوسرا متعلقہ مضمون کتاب میں شامل کرنا ہو تو کسی لنک پر کلک کریں اور اگلے کھلنے والے صفحے پر بھی Add this page to your book پر کلک کر دیں۔ آپ دیکھیں گے کہ آپ جتنے صفحات اس کتاب میں شامل کرتے جائیں گے اوپر ان کی تعداد نظر آرہی ہو گی۔
کئی مضامین کو ایک ای بُک میں شامل کرنے کے کئی طریقے وکی پیڈیا پر موجود ہیں۔ ان میں سے ایک طریقہ یہ ہے کہ آپ کسی لنک پر ماؤس لے کر جائیں تو ایک پاپ اپ Add linked wiki page to your book نظر آئے گا۔ اس پر کلک کرنے سے آپ اس صفحے کو کتاب میں شامل کر سکتے ہیں۔

wikipedia_ebook4
اس کے علاوہ بک کری ایٹر کے حصے میں Suggest pages کا آپشن بھی موجود ہے۔ اس پر کلک کرنے سے آپ کو اپنے مضمون سے متعلق کئی اور صفحات بتائے جائیں گی جنھیں اگر آپ چاہیں تو ای بُک میں شامل کر سکتے ہیں۔

wikipedia_ebook5
ہر مضمون کے ساتھ پلس (+) کا بٹن موجود ہے جس پرکلک کر کے اسے کتاب میں شامل کیا جا سکتا ہے۔

wikipedia_ebook6
پلس کے بٹن پر کلک کرتے ہی وہ پیج بُک میں شامل کرنے کے لیے لسٹ میں شامل کر دیا جائے گا اور اس کی جگہ مزید مضامین کے نام آجائیں گی۔
اسی پیج پر آپ کو دکھایا جا رہا ہو گا کہ آپ کتنے مضامین اپنی کتاب کے لیے چُن چکے ہیں۔ آگے بڑھنے کے لیے Show کے آپشن پر کلک کریں۔

wikipedia_ebook7
اگلے صفحے پر آپ کتاب کا نام منتخب کر سکتے ہیں۔ اس کے علاوہ تمام مضامین کے باب بھی بنا سکتے ہیں۔ ایک باب بنا کر اس کے ذیل میں مضامین کو شامل کر سکتے ہیں۔ یعنی آپ کی بنائی ہوئی کتاب ایک سادہ سی کتاب نہیں ہو گی، بلکہ اس میں ابواب شامل ہوں گے اور ترتیب وار مضامین۔

wikipedia_ebook8
کتاب کو ڈاؤن لوڈ کرنے سے پہلے فارمیٹ ضرور چیک کر لیں کہ آپ کس فارمیٹ میں کتاب ڈاؤن لوڈ کرنا چاہتے ہیں۔ اگر آپ کا مقصد ای بُک بنا کر اسے فون اور ٹیبلٹ پر پڑھنا ہے تو EPUB فارمیٹ منتخب کریں۔

wikipedia_ebook9
اس کے بعد آپ ڈاؤن لوڈ کے بٹن پر کلک کریں گے تو رینڈرنگ کا عمل شروع ہو جائے گا۔

wikipedia_ebook10
رینڈرنگ مکمل ہونے کے بعد کتاب ڈاؤن لوڈنگ کے لیے تیار ہو گی۔
دیے گئے لنک پر کلک کر کے آپ کتاب ڈاؤن لوڈ کر لیں۔

wikipedia_ebook11
ای بُک ریڈر اسمارٹ فون اور ٹیبلٹس میں زیادہ تر پہلے سے موجود ہوتا ہے جب کہ ونڈوز پر ای بُک پڑھنے کے لیے آپ کو ریڈر کی ضرورت ہو گی۔ ’’ایف بی ریڈر‘‘ اس کام کے لیے مفت دستیاب ہے:
ای بک ریڈر ڈاؤن لوڈ کریں
(یہ تحریر کمپیوٹنگ شمارہ جنوری 2014 میں شائع ہوئی)