ٹوئٹر پر صرف مخصوص لوگوں کو ذاتی پیغام بھیجنے کی اجازت دیں

332

ٹوئٹر پر ویسے تو سب کچھ پبلک ہوتا ہے یعنی اسے سب دیکھ سکتے ہیں لیکن براہِ راست پوشیدہ بات چیت کرنے کے لیے ذاتی پیغام بھیجنے کا بندوبست بھی موجود ہے۔ اس کا ایک نقصان یہ ہے کہ ٹوئٹر کا ہر صارف آپ کو پیغام بھیج سکتا ہے۔ اگر آپ چاہیں کہ مخصوص لوگ یا وہ لوگ جنھیں آپ فالو کرتے ہیں صرف وہ آپ کو پیغام بھیج سکیں تو یہ بھی ممکن ہے۔

ذاتی پیغامات کو محدود کرنے کے لیے اپنے ٹوئٹر اکاؤنٹ میں لاگ اِن ہو جائیں۔ اس کے بعد اپنی پروفائل تصویر پر کلک کرتے ہوئے سیٹنگز میں آجائیں۔

سیٹنگز میں بائیں طرف موجود مینو میں سے ’’سکیوریٹی اینڈ پرائیویسی‘‘ (Security and Privacy) کے آپشن پر کلک کریں۔

کھلنے والے آپشنز میں سے پرائیویسی کے ذیل میں سب سے نیچے Direct Messages کو دیکھیں۔

twitter-direct-message-settings

اگر آپ تمام ٹوئٹر صارفین کی طرف سے میسج وصول کرنا نہیں چاہتے تو Receive Direct Messages from anyone کے ساتھ موجود چیک باکس کو اَن چیک (Un check) کر دیں۔