فیس بک لائیو وڈیوز کے نوٹی فکیشنز سے جان چھڑائیں

673

فیس بک لائیو ایک اچھا فیچر ہے لیکن دوستوں اور پیجز کی جانب سے لائیو ہونے کے نوٹی فکیشنز کی بھرمار کسی کو پسند نہیں اس لیے اگر آپ فیس بک کی ہر تقریب براہِ راست دیکھنا پسند نہیں کرتے تو ان نوٹی فکیشنز کو بند کردینا ہی بہتر ہے۔

جب سے فیس بک پر لائیو ویڈیو نشر کرنے کا فیچر سامنے آیا ہے مشہور افراد اور فیس بک پیجیز نے اپنے خصوصی لمحات کو فیس بک کے ذریعے براہ ِراست نشر کرنا شروع کر دیا ہے۔ فیس بک پر سب ہی کے سیکڑوں دوست ہوتے ہیں اور انہوں نے بے شمار صفحات کو بھی لائیک کیا ہوا ہوتا ہے۔ اس لیے جب ان کا کوئی دوست یا پیج فیس بک پر ویڈیو لائیو پیش کرتا ہے تو انہیں ایک نوٹی فکیشن ملتا ہے۔ چونکہ آج کل انتہائی زیادہ تعداد میں افراد لائیو ویڈیو نشر کرتے ہیں اس لیے ان کے نوٹی فکیشنز کی بھرمار فیس بک صارفین کو پریشان کر دیتی ہے۔

اگر آپ بھی دن بھر ایسے نوٹی فکیشنز کے ملنے سے پریشان ہیں تو انہیں باآسانی بند کرکے ان سے جان چھڑا سکتے ہیں۔

اس کے لیے فیس بک اکاؤنٹ لاگ ان کرنے کے بعد سیٹنگز میں آجائیں۔

turn-off-facebook-live-notifications

سیٹنگز میں آنے کے بعد نوٹی فکیشنز کے حصے میں سب سے اوپر ’’آن فیس بک‘‘ پر کلک کریں۔

turn-off-facebook-live-notifications-1

یہاں آپ دیکھ سکتے ہیں کہ کون سی نوٹی فکیشنز کو آپ نے اجازت دے رکھی ہے۔

turn-off-facebook-live-notifications-2

لائیو وڈیوز کا آپشن بھی یہیں موجود ہو گا جو پہلے سے ہر فیس بک اکاؤنٹ میں آن ہوتا ہے۔ اسے آف کر کے آپ ان نوٹی فکیشنز کو مکمل طور پر بند کر سکتے ہیں۔

This website uses cookies to improve your experience. We'll assume you're ok with this, but you can opt-out if you wish. Accept