فیس بک کلر چینجر وائرس سے خبردار رہیں

347

فیس بک ماضی میں بھی کئی طرح کے مال ویئر کا نشانہ بنتی رہی ہے۔ آج کل پھر فیس بک کلر چینجر نامی وائرس نے فیس بک صارفین پر دھاوا بول رکھا ہے۔ دیکھنے میں یہ ایک بالکل ٹھیک ایپلی کیشن لگتی ہے جو فیس بک ٹائم لائن کا رنگ بدلنے کا دعویٰ کرتی ہے لیکن در حقیقت یہ مال ویئر زدہ ویب سائٹ پر ری ڈائریکٹ کر دیتی ہے۔ اگر آپ فیس بک ڈیسک ٹاپ پر دیکھ رہے ہوں تو یہ ایک وڈیو ویب سائٹ پر منتقل کرتی ہے جہاں وڈیو دیکھنے کے لیے پلگ اِن انسٹال کرنے کا مشورہ دیا جاتا ہے جو کہ درحقیقت مال ویئر ہوتا ہے۔ جبکہ صارف اینڈروئیڈ استعمال کر رہا ہو تو یہ فیس بک کا رنگ بدلنے کے لیے ایک ڈاؤن لوڈ لنک دیتی ہے، یہ بھی مال ویئر ہی ہے۔

روزانہ کئی لوگ کمپیوٹنگ کے فیس بک پیج پر بھی فیس بک کلر چینجر کا لنک تبصروں میں پیسٹ کرتے ہیں، ہماری کوشش ہوتی ہے کہ ایسے تبصرے فوراً حذف کر کے تبصرہ کرنے والے کو بین کر دیا جائے۔ اگر کبھی آپ کو ایسا کوئی تبصرہ نظر آئے تو اس لنک کو بالکل بھی مت کھولیں۔

facebook-color-changer

اگر کبھی آپ فیس بک کلر چینجر کے بارے میں کوئی پوسٹ اپنے دوست کی ٹائم لائن پر دیکھیں تو اس پر کلک کرنے یا آزمانے کی کوشش مت کریں۔ اور اگر پہلے ہی اس کا نشانہ بن چکے ہیں تو آپ کو اپنا فیس بک پاس ورڈ فوراً بدل لینا چاہیے۔

facebook-color-changer2

پاس ورڈ بدلنے کے بعد فوراً اس ایپلی کیشن کو اپنے اکاؤنٹ سے نکالنے کی ضرورت ہے۔ اس کے لیے سیٹنگز میں آ کر Apps پر کلک کریں۔
یہاں جتنی ایپلی کیشنز آپ کے استعمال میں ہوں گی کی لسٹ موجود ہو گی۔ فیس بک کلر چینجر اگر یہاں موجود ہے تو کراس پر کلک کر کے اسے ڈیلیٹ کر دیں۔
ایپلی کیشن کو ڈیلیٹ کرنے کے بعد اپنا کمپیوٹر ضرور اینٹی وائرس سے اسکین کر لیں۔
(یہ تحریر کمپیوٹنگ شمارہ ستمبر 2014 میں شائع ہوئی)