وزارت انفارمیشن ٹیکنالوجی کا اپنے ملازمین کو گھر سے کام کرنے کی اجازت

403

وزیر مملکت برائے انفارمیشن ٹیکنالوجی انوشہ رحمان نے وزارت انفارمیشن ٹیکنالوجی میں کام کرنے والے خواتین آفسران کو گھر سے کام کرنے کی اجازت کا نوٹی فکیشن جاری کردیا ہے۔ اس نئی پالیسی کے مطابق خواتین  آفسران ہفتے میں ایک روز گھر بیٹھ کر اپنی ذمے داریوں کو نبھا سکیں گی۔ البتہ اس سہولت کو یہ آفیسر بطور حق یا اپنا استحقاق استعمال نہیں کرسکیں گی۔ نیز اس سہولت کا اطلاق اس وقت نہیں ہوگا جب ان خواتین آفسران کی موجودگی دفتر میں ضروری ہوگی۔

انوشہ رحمان کے مطابق گھر سے کام کرنے کی پالیسی وزارت انفارمیشن ٹیکنالوجی کا ایک منفرد قدم ہے اور اس کا مقصد خواتین آفسران کو بہترین سہولیات فراہم کرنا ہے۔

تاہم اس پالیسی کا اطلاق مرد ملازمین پر نہ ہونا اچھنبے کی بات ہے اور اس سے صنفی امتیاز  کو ہوا مل سکتی ہے۔

This website uses cookies to improve your experience. We'll assume you're ok with this, but you can opt-out if you wish. Accept