اپنی لوکل یوٹیوب بنائیے

اگر آپ کے پاس نیٹ ورک پر بہت سارے پی سی ہیں اور آپ وڈیو فائلز یا موویز سب کے ساتھ شیئر کرنا چاہتے ہیں تو ’’اِنر ٹیوب‘‘ کے ذریعے یہ ممکن ہے۔ یہ بھی کہہ سکتے ہیں کہ کسی بھی کمپیوٹر پر موجود فلم کو نیٹ ورک پر موجود دیگر کمپیوٹرز اور لیپ ٹاپ وغیرہ پر مشترکہ دیکھنا ممکن ہے۔ یعنی آپ اپنے نیٹ ورک پر اپنی ذاتی یوٹیوب بنا سکتے ہیں۔

InnerTube  ویب انٹرفیس کا حامل ہے۔ وڈیوز دکھانے کے لیے جس سسٹم کو ویب سرور بنایا جائے گا اسے اس طرح کے یور آرایل سے دیکھا جا سکتا ہے:
192.168.1.101:8080

اس کی خاص بات یہ ہے کہ آپ ڈراپ باکس پر موجود اپنی وڈیوز کو اس میں شامل کر کے انھیں اسٹریم کر سکتے ہیں۔ اس طرح آپ کئی جی بی اسپیس کا حامل اپنا لوکل یوٹیوب بنا سکتے ہیں۔

لوکل یوٹیوب بنانے کے لیے آپ کو دو سافٹ ویئرز کی ضرورت ہو گی۔ سب سے پہلے انرٹیوب ایپلی کیشن یہاں سے ڈاؤن لوڈ کریں

اس کی انسٹالیشن سے پہلے ضروری ہے کہ آپ کے پاس DivX Playerانسٹال ہو جسے ڈاؤن لوڈ کرنے کے لیے یہاں کلک کریں۔

یہ دونوں سافٹ ویئر انسٹال کر لینے کے بعد سمجھیں آپ کا اپنا یوٹیوب تیار ہے۔

یہ لوکل یوٹیوب نیٹ ورک پر موجود تمام کمپیوٹرز اور اسمارٹ فونز کے ذریعے دیکھا جا سکتا ہے۔

(یہ تحریر کمپیوٹنگ شمارہ اکتوبر 2012 میں شائع ہوئی)