آن لائن شاپنگ میں پیسے بچائیں

7,009

قیمتوں میں موازنہ کریں

جب آپ کوئی ڈیوائس خرید رہے ہوں یا کوئی بھی ایسی چیز جو ایک سے زیادہ اسٹورز پر موجود ہو تو اس بات کی یقین دہانی کریں کہ تمام آن لائن اسٹورز سے قیمتیں معلوم کریں اور پھر ان کا موازنہ کریں۔ جب آپ کسی مخصوص پروڈکٹ کی قیمتوں کی تمام اسٹورز سے معلومات حاصل کرلیں اور تمام ویب سائٹس ڈھونڈ لیں تو آپ جس اسٹور سے خریدنا چاہتے ہیں ان سے رابطہ کریں اور انھیں بتائیں کہ کسی اور جگہ یہی چیز کم قیمت میں مل رہی ہے تو ممکن ہے کہ وہ آپ کو اپنا گاہک بنانے کی خاطر کم قیمت میں آپ کو بیچ دیں گے۔
اگر یہ وضاحت واضح نہیں تو اس کی مثال کچھ یوں ہے:

فرض کریں کہ میں ایک گیمنگ ماؤس خریدنا چاہتا ہوں۔ ایک اسٹور پر $500 کا مل رہا ہے اور دوسرے اسٹور پر $550 کا۔ اب میں کیا کروں گا کہ دوسرے اسٹور سے رابطہ کروں گا اور انھیں بتاؤں گا کہ یہی پروڈکٹ ایک اسٹور پر کم قیمت میں مل رہی ہے اور میں یہ آپ سے ہی خریدنا چاہتا ہوں لیکن اسی کم قیمت پر۔ اگر ہاں، تو میں آپ سے خرید لوں گا۔ ممکن ہے کہ وہ کم قیمت میں بیچ دیں گے اس طرح سے مجھے اپنے من پسند اسٹور سے مناسب قیمت میں گیمنگ ماؤس مل جائے گا۔ یہ بالکل ایسے ہی جیسے آپ مختلف دُکانوں پر جا کر کسی چیز کی قیمت پتا کرتے ہیں اور پھر اگلی دُکان پر چلے جاتے ہیں۔